Міністэрства культуры Рэспублікі Беларусь

Кіраўнік беларускага ведамства адзначыў, што за апошнія гады рэалізаваны сумесныя праекты нашай краіны і Калужскай вобласці ў сферы адукацыі, тэатральнага мастацтва, народнай творчасці, бібліятэчнай справы і фестывальнага руху. Праходзяць абменныя гастролі, конкурсы, а калектывы ўдзельнічаюць у знакавых культурных падзеях дзвюх краін.

Марат Сяргеевіч Маркаў прапанаваў пашырыць узаемадзеянне і надаць яму сістэмны характар.

Пацверджаннем паспяховага супрацоўніцтва стаў канцэрт, які адбыўся на днях у Беларускай дзяржаўнай філармоніі гала-канцэрт артыстаў Калужскай абласной філармоніі і Імперскага Рускага Балета.

Павел Аляксандравіч Суслаў выказаў зацікаўленасць у супрацоўніцтве паміж Імперскім Рускім Балетам і Вялікім тэатрам Беларусі. Ён таксама запрасіў кінематаграфістаў нашай краіны прыняць удзел у Міжнародным кінафестывалі фільмаў і праграм пра космас «Цыялкоўскі», які традыцыйна праходзіць у Калузе і мае статус унікальнай пляцоўкі, дзе сустракаюцца мастацтва і навуковае веданне.