У Беларускім дзяржаўным музеі гісторыі Вялікай Айчыннай вайны прайшла сустрэча Міністра культуры Рэспублікі Беларусь Марата Сяргеевіча Маркава з калектывам, прымеркаваная да Дня народнага адзінства

17.09.2026

Міністр цёпла павіншаваў калектыў са святам. У ходзе сустрэчы быў узняты шэраг актуальных тэм: гісторыя свята, сапраўдная цана згуртаванасці беларускага народа, а таксама сучасныя выклікі, уключаючы прымяненне тэхналогій штучнага інтэлекту ў сферы культуры і інфармацыйнай палітыкі.

Сустрэча прайшла ў фармаце адкрытага і жывога дыялогу. Супрацоўнікі музея змаглі задаць кіраўніку ведамства хвалюючыя прафесійныя пытанні, абмеркаваць бягучыя задачы музейнай справы і сумесна вызначыць ключавыя вектары для іх вырашэння.